upang muling sulyapan
ang naging bunga ng pagtatalik
ng haraya at karanasan.
Malaki na s'yang supling,
siyete anyos na pala.
Muntik ko ng malimutan
ang maswerte n'yang kaarawan.
Napansin ko lang,
may kakaiba sa kanya.
Mukhang hindi s'ya normal
na gaya ng iba.
Kung napariwara man
ang suwing nangailangan,
nawa'y mapatawad ang
sa kanyang kapabayaan.
Ako'y nagbalik
upang masilayan nang saglit
ang tinalikuran kong paslit
na ngayo'y hinog sa pilit.
